Отзыв №151
Публикация 2025-11-14
بحثت عن فنادق كثيرة في هالمنطقة وكان هذا أفضل خيار مناسب وأكثر سبب شجعنا على الحجز هو التعليقات الايجابية من الناس وفعلا توفقنا بشكل كبير الفندق توه مجددينه من جم شهر بس فيعتبر جديد خيار مناسب للي يبحث عن فندق هادئ و cozy الغرف صغار أنصحكم تحجزون دايما الغرفة اللي مساحتها 22 متر مربع اكبر شي . مساحة الحمام صغيرة صح بس منظمة ومصممة صح بالنسبة لي كانت كافية . حاليا الإفطار في اللوبي لأن السطح للحين يشتغلون عليه وبيجهز في الصيف مفروض وعقبها بينتقل الإفطار في السطح 😍😍😍 وتنوع الإفطار قليل بس ما أقدر أحكم عليه لأن المساحة صغيرة حاليا تحت تفاصيله صراحة متعوب عليها بالرغم من صغر مساحته وتعاملهم أكثر من ممتاز متعاونين لأقصى حد يفوز بأفضل فندق حصلنا فيه تعامل استثنائي وصدق يبون يكسبون الناس ويهمهم رايهم . التعامل اللي لقيناه هني احسن بمراحل من فنادق 5 stars مجربينها من قبل هني منطقة الفندق عجيبة هادئة ورايقة وقريبة من كل شي باختصار الموقع مثالي جدا. قريب من الأسواق وخلف الفندق مباشرة حديقة قولهانا عجييبة لا تفوتكم مؤخرا في ناس حرقوا غرفة وفوقها ثاني يوم فوضوا ماي الحمام ومن عقبها تم فرض رسوم تأمين إجباري بمبلغ 100 دولار / يورر ويسترجع المبلغ وقت الخروج اذا الغرفة ما تضررت ما ودهم يتخذون هالإجراء لولا هالموقف فجدا أعذرهم صراحة لأن هذي الطريقة الوحيدة لضبط استخدام الناس للفندق بشكل سليم والمحافظة على نظافة الفندق وحمايته من سوء الاستخدام وصلنا قبل الجيك إن بفترة طويلة وما قصروا دخلونا الغرفة بدون اي مبلغ اضافي جميع موظفين الاستقبال كانوا ممتازين وبالأخص أحمد وشخص ثاني معاه كان يتكلم عربي اسمه بنيامين يمين الصورة أحمد ويسارها بنيامين